अमरावती : पालकमंत्री प्रवीण पोटे पाटील यांच्या हस्ते स्वातंत्र्यदिनानिमित्त आयोजित केलेला मुख्य शासकीय ध्वजारोहणाचा कार्यक्रम विभागीय आयुक्त कार्यालयाच्या प्रांगणात झाला.
‘शासनाने शेतकऱ्यांच्या हितासाठी कर्जमाफी, जलयुक्त शिवार योजना, पीक विमा, सिंचन क्षमता व कृषी उत्पादकता वृद्धी, शेतमालाचे विपणन यासारखे अनेक कार्यक्रम हाती घेतले आहेत. शेतकरी खऱ्या अर्थाने कर्जमुक्त व स्वयंपूर्ण व्हावा, यासाठी शासन प्रयत्नशील आहे,’ असे प्रतिपादन प्रवीण पोटे पाटील यांनी या वेळी केले.